Nakalabni na sab og bronze medal ang Alas Pilipinas Women human nila giusban paghampak ang Indonesia, 25-17, 25-17, 28-16, sa Southeast Asian (SEA) V. League Leg 2 niadtong Dominggo sa gabii, Agusto 10, 2025, sa Vietnam.
Kini maoy ikaupat nga sunodsunod nga bronze medal nga naangkon sa Alas Pilipinas ug ikaupat sab kini nga higayon nga nahimong 4th placer ang Indonesia ning maong tournament series.
Ning higayuna, nakasugat og grabeng kulba ang Alas Pilipinas human nakasinati og angol sa wala nga tuhod ang usa sa mga pambato niini nga si Alyssa Solomon sa Set 1 pa lang.
Gigamitan og stretcher si Solomon aron mapagawas sa korte.
Sa pagpadaplin ni Solomon, nagkumboya sila si Eya Laure, Bella Belen, Angel Canino, ug Shaina Nitura aron ihatag sa Alas Pilipinas ang kadaugan. / ESL