Alcontin: CCDRMO andam sa La Niña

La Niña
La NiñaSunStar File/Amper Campaña

Hingpit nang andam ang Cebu City Disaster Risk Reduction and Management Office (CCDRRMO) sa gipaabot nga La Niña phenomenon o subra sa normal nga kahimtang sa ting-uwan.

Mao kini ang gipadayag ni Harold Alcontin, pangulo sa CCDRRMO, sa pakighinabi sa SunStar Cebu niadtong Hunyo 16, 2024.

Gitumbok ni Alcontin ang pipila ka mga pagpangandam nga gihimo sa CCDRMO, sama sa pagbutang og water gauge sa pito ka dagkong suba sa siyu­dad alang sa pag-monitor.

Ang early warning signage system gibutang usab sa landslide and flood prone areas, ug ang information indication materials gipang-apud-apod ngadto sa mga barangay.

Ang mga suba nga kinahanglang limpyohan, sama sa Estero de Parian, nga nagtigom ug daghang basura.

“Three days to sigeg limpyo before naabot ang uwan,” matod ni Alcontin.

Dason niya, “ang T. Padilla, another area nga clogged-up kaayonga sapa, gikinamot lang sa paglimpyo.”

Matod ni Alcontin, gihimo na ang pagpangandam sukad pa niadtong Abril. Usa ka badyet ang gigahin na alang sa CCDRMO alang sa mga pag-abang sa kagamitan.

Dugang niya nga ang adunay maayong papel sa ilang pagpangandam mao ang templates nga gihimo sukad pa niadtong 2014.

Gipasalig ni Alcontin nga naandam na ang nagkalainlaing kagamitan, sama sa suction pumps ug resource inventories. / JPS

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph