Ang Filipina tennis star Alex Eala nakabuhat og upset win batok sa top seed nga si Hailey Baptiste sa Estados Unidos, 6(1)-7, 7-6(4), 6-1, niadtong Dominggo sa gabii, Hunyo 22, 2025, sa ikaduhang round sa Eastbourne Open qualifying draw aron makasulod sa main draw sa torneyo.
Human sa duol nga duwa sa unang duha ka sets, nipakita og dominasyon ang world No. 77 Eala ug gilupig ang world No. 56 nga si Baptiste sa ikatulong set diin nilabaw siya og 5-0 ug sayon nga nisutoy sa kadaugan sa duwa nga nilungtad og duha ka oras ug 47 minutos.
Sa unang round, gilupig ni Eala ang Turkish nga si Zeynep Sonmez sa straight sets, 6-1, 6-3. / RSC