Gipapirma sa Meralco Bolts og bag-ong kontrata, nga molanat og duha ka mga tuig, ang ilang big man nga si Raymond Almazan ning bag-uhay lang.
Ningtunga sa pagpirma og kontrata ni Almazan sila si Meralco team manager Paolo Trillo ug players agent Danny Espiritu.
Taliwala sa iyang pangidaron nga 36, si Almazan nagpabilin gihapong usa sa dekalidad nga mga sentro sa Philippine Basketball Association (PBA).
Si Almazan nasulod sa PBA isip 3rd overall pick sa Rain or Shine Elasto Painters niadtong 2013. Nabalhin siya sa Meralco niadtong 2019./ ESL