Gidakop ang usa ka estambay kay gikulata ang iyang ama-ama alas 3:00 sa kaadlawon, Huwebes, Hulyo 24, 2025, sa Sitio Bagong Silang, Barangay Inayawan, Siyudad sa Sugbo.
Si Ritchie Navarro Avenido, 30, ulitawo, gitanggong sa Inayawan Police Station.
Nakainom si Avenido ug gisapot kay wala hatagi og kuwarta sa iyang ama-ama nga si Tino, 59, usa ka mananagat.
Si Avenido nga nahinabi sa Superbalita Cebu nanghimakak sa pasangil batok kaniya.
Gipasabot niya nga nakainom iyang ama-ama ug nagmaoy maong iyang gikulata ug nihimakak nga nasuko siya nga wala hatagi’g P50.
Sumala pa niini nga gipatagam niya iyang ama-ama sanglit gamay pa siya uban sa iyang inahan kanunay kining manghasi kon mahubog.
“Akoa lang siyang gipatagam hataga'g leksyon! Pero dili ko mangayo'g pasaylo” dugang ni Avenido. /GPL