Amahan, anak angol sa aksidente sa motor

Amahan, anak angol sa aksidente sa motor
SunStar Local News GPX

Amahan nga nagmaniho sa motorsiklo ug ang iyang angkas nga anak pulos nangalandig sa tambalanan human sa aksidente tungod sa pagkasabod sa pisi nga nagguyod sa gikasugat nga laing motorsiklo.

Nahitabo kini alas 3 sa hapon sa Dominggo, Marso 3, 2024 sa national highway sa Brgy. Lawaan, lungsod sa Alcantara.

Ang amahan giila nga si Junrey Gabia, 44, samtang ang anak mao si John, 13 , taga Brgy. Cabadiangan, Alcantara.

Sa interview sa Superbalita Cebu ngadto sa imbestigador nga si Police Sgt. Richard Cababat ubos sa ilang hepe nga si Police Capt. Analiza Manila Sarte, ang mga biktima nagpadulong sa Poblacion, Alcantara.

Sa pag-abot sa Brgy. Lawaan, ilang gikasugat ang motorsiklo nga gihiktan ug pisi nga giguyod sa laing motorsiklo.

Apan ang motorsiklo nga giguyod nigawas sa iyang lane ug didto nila padulong hinungdan nga nasabod ang gisakyan sa mga biktima.

Ang duha nalandig sa Badian District Hospital apan gibalhin sa Vicente Sotto Memorial Medical Center (VSMMC) sa Siyudad sa Sugbo.

Ang motorsiklo nga giguyod gimaneho sa 17 anyos nga lalaki nga way lisensya.

Ang menor gi-turnover na ngadto sa Dept. of Social Welfare and Development (DSWD). / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph