Amahan, anak gibanhigan

Amahan, anak gibanhigan
MGA BIKTIMA: Ang amahan ug anak nga gipamusil sa riding in tandem sa national highway sa Sityo Cambuntan, Barangay Boli­nawan, dakbayan sa Carcar, habagatan sa Sugbo, alas 7:40 sa buntag, Biyernes, Hunyo 7, 2024. / TAMPO

Nalandig sa tambalanan ang amahan ug anak nga nagsakay og motorsiklo human pamusila sa riding in tandem.

Nahitabo kini sa national highway sa Sityo Cambuntan, Barangay Bolinawan, dakba­yan sa Carcar, habagatan sa Sugbo, alas 7:40 sa buntag, Biyernes, Hunyo 7, 2024.

Ang mga biktima giila nga sila si Froilan Lañas Tolentino, 60, minyo ug traffic enforcer sa Carcar ug si Wyeth Jose Apao Tolentino, 20, ulitawo, pulos mga molupyo sa Sityo Lagang, Bolinawan.

Sa pasiunang imbestigasyon sa Carcar City Police Station nasayran nga ang anak maoy nagmaneho sa motorsiklo padulong sa Carcar City Hall.

Apan gitaparan sa laing nagsakay og motorsiklo ug ang mga biktima gipamusil sa nag-angkas nga niresulta sa ilang pagkaangol.

Ang wa mailhing riding in tandem daling nisibat padung sa Carcar proper nga wala na maabti sa ningresponde nga mga pulis nga gipangulohan ni PEMS Jorame Navarra Tanudtnud.

Ang ang mga biktima gidali sa pagtabang ug gidala sa tambalanan.

Padayon pa ang imbestigasyon sa kapulisan sa Carcar sa pag-ila sa mga responsable sa krimen ug motibo sa pagpamusil. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph