Amahan, anak napaso human LPG tank mibuto

NABUTHAN: Amahan nga si Eliezar Pugoy ug anak nga si Prince Aries nga taga-Brgy. Bangbang, Cordova ang nagpaalim sa  mga paso. /TAMPO
NABUTHAN: Amahan nga si Eliezar Pugoy ug anak nga si Prince Aries nga taga-Brgy. Bangbang, Cordova ang nagpaalim sa mga paso. /TAMPO

Nalandig sa tambalanan ang amahan ug anak human sila nakabaton og 2nd degree burns sa ilang kalawasan sa pagbuto sa tanke sa liquefied petroleum gas nga ilang gigamit sa paghikay sa panihapon.

Kini nahitabo sa kusina sa ilang balay sa Purok Kuntang, Brgy. Bangbang, lungsod sa Cordova, niadtong Lunes sa gabii, Mayo 13, 2024.

Ang mga biktima giila nga sila si Eliezar Pugoy, amahan, minyo, samtang ang anak nga biktima giila nga si Prince Aries Pugoy, 21, ulitawo.

Nagpadayon ang imbestigasyon ni SF01 Mcdowell Maglangit, investigator sa Bureau of Fire Protection, sa Cordova sa hinungdan sa pagbuto sa LPG tank. Maayo na lang nga wa masunog ang balay sa mga biktima.

Sa laing bahin, ang likod nga bahin sa public cemetery sa Barangay Dawis Norte, Lungsod sa Carmen, Sugbo naigo sa sunog sa kawayanan niadtong Lunes sa hapon Mayo 13 , 2024.

Giisa ngadto sa first alarm sa alas 6 sa gabii ug paglabay sa 20 minutos nga nakontrolar ang kayo.

Ning pagsuwat, wa pa matino ang hinungdan sa pag-ulbo sa sunog. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph