Amahan mi-’sex slave’ sa anak

 UWAHI ANG PAGBASOL: Gidakop ang suspek (nagkawo) sa mga sakop sa Criminal Investigation and Detection Group (CIDG) Negros Oriental Provincial Field Unit (PFU) pinasikad sa warrant of arrest sa kasong pagpanglugos. /
UWAHI ANG PAGBASOL: Gidakop ang suspek (nagkawo) sa mga sakop sa Criminal Investigation and Detection Group (CIDG) Negros Oriental Provincial Field Unit (PFU) pinasikad sa warrant of arrest sa kasong pagpanglugos. / Hulagway gihatag sa CIDG Negros Oriental PFU

Amahan mihimong ‘sex slave’ sa iyang kaugali­ngo’ng anak, gidakop niadtong Miyerkules sa gabii, Mayo 1, 2024 sa Sityo Dap-dap, Barangay Nasig-id, Lungsod sa Zamboanguita, Negros Oriental.

Ang suspek gitago sa panga­la’ng Jose, 41, ug usa ka mag-uuma, ang nasikop sa mga operatiba sa Criminal Investigation and Detection Group (CIDG) Negros Oriental Provincial Field Unit (PFU).

Wa ibutyag ning pamantalaan ang identity sa suspek aron sa pagpanalipod sa biktima ug tibuok pamilya niini sa tumang kauwawan.

Si PMajor Nazarino Emia, hepe sa CIDG Negros Oriental PFU nga nahinabi sa Superbalita Cebu miingon nga ang suspek number 7 most wan­ted person sa Police Regional Office-7 ug Rank 1 nga most wan­ted person sa Negros Oriental.

Gisikop nila kini pinasikad sa warrant of arrest nga moabot sa 13 counts nga qualified rape ug acts of lasciviousness nga giluwatanan ni Judge Sheila Lynn Besario, Regional Trial Court Branch 31 sa Dumaguete City Negros Oriental nga pinetsahan niadtong Marso 21, 2024.

Way gitanyag nga piyansa sa kasong rape.

Matud ni PMajor Emia, nga 16 anyos pa ang biktima sa miaging tuig dihang gihilabtan sa amahan nga maoy kinamaguwangan sa unom ka managsuon.

“Wala na makaantos ang bata mitug-an sa mama. Basta molakaw ang mama, lugoson siya sa papa,” dugang ni Emia.

Ang amahan gikatahong mopahimulos sa anak ilabi na kon mahubog.

Ang suspek mipadayag sa kapulisan nga nagmahay siya sa iyang nahimo ngadto sa kaugalingong anak. / GPL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph