Anaa sa PDEA ‘target list’ sikop

SIKOP: “Tapos ang maliligayang aray” kon sa Tinagalog pa dihang nadakpan na si  Michael Angelo Cornelio Camancho, 33, kinsa anaa sa listahan sa PDEA. / CONTRIBUTED PHOTO
SIKOP: “Tapos ang maliligayang aray” kon sa Tinagalog pa dihang nadakpan na si Michael Angelo Cornelio Camancho, 33, kinsa anaa sa listahan sa PDEA. / CONTRIBUTED PHOTO

Nabutang sa regional target list sa Philippine Drug Enforcement Agency 7 sa Negros Oriental nasikop sa gilusad nga buy bust sa PDEA Negros Oriental Provincial Office, ala 1:48 sa Lunes sa hapon, Abril 29, 2024, sa Brgy, Calasgaan, Bais City, Negros Oriental.

Ang suspek giila nga si Michael Angelo Cornelio Camancho, 33, cellphone technician, taga Barangay 2, dakbayan sa Bais.

Nakuha sa mga operatiba ang upat ka putos sa gituohang shabu nga motimbang og 5.08 grams nga dunay estimated average market value nga P34,544, buy-bust money, cellphone ug mga drug paraphernalia.

Matod ni Leia Alcantara, information officer sa PDEA 7, nga tulo ka semana nila nga gipaubos sa case buildup ang suspek human madawat ang kasayuran gikan sa kasaligang tinubdan.

Sigun sa nakuha nga impormasyon, makabaligya si Camancho og 60 gramos matag semana.

Kalapasan sa Section 5, ug 11 Article II sa Republic Act 9165 kun Comprehensive Dangerous Drugs Act of 2002 ang ipasaka sa PDEA7 batok sa suspek. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph