Anak gipusil sa amahan

■ WA NA MAKA-AGWANTA: Patay dihadiha ang 28 anyos nga si Kenn Caballes human mahiagom og samad pinusilan sa  ulo sa dihang giunay og pusil sa iyang amahan nga si Eugenio Bontilao Caballes, 63. Ang amahan nga gitanggong sa Mabolo Police Station wa na makaagwanta human siya gihapsan og dos-por-dos sa biktima nga nasuko sa dihang gibadlong nga dili magsukol-sukol sa iyang inahan nga nisugo kaniya sa pagpawong sa suga sa iyang gipuy-an nga payag. Estorya sa pahina 2. / ARNOLD Y. BUSTAMANTE
■ WA NA MAKA-AGWANTA: Patay dihadiha ang 28 anyos nga si Kenn Caballes human mahiagom og samad pinusilan sa ulo sa dihang giunay og pusil sa iyang amahan nga si Eugenio Bontilao Caballes, 63. Ang amahan nga gitanggong sa Mabolo Police Station wa na makaagwanta human siya gihapsan og dos-por-dos sa biktima nga nasuko sa dihang gibadlong nga dili magsukol-sukol sa iyang inahan nga nisugo kaniya sa pagpawong sa suga sa iyang gipuy-an nga payag. Estorya sa pahina 2. / ARNOLD Y. BUSTAMANTE
■ WA NA MAKA-AGWANTA: Patay dihadiha ang 28 anyos nga si Kenn Caballes human mahiagom og samad pinusilan sa  ulo sa dihang giunay og pusil sa iyang amahan nga si Eugenio Bontilao Caballes, 63. Ang amahan nga gitanggong sa Mabolo Police Station wa na makaagwanta human siya gihapsan og dos-por-dos sa biktima nga nasuko sa dihang gibadlong nga dili magsukol-sukol sa iyang inahan nga nisugo kaniya sa pagpawong sa suga sa iyang gipuy-an nga payag. Estorya sa pahina 2. / ARNOLD Y. BUSTAMANTE
■ WA NA MAKA-AGWANTA: Patay dihadiha ang 28 anyos nga si Kenn Caballes human mahiagom og samad pinusilan sa ulo sa dihang giunay og pusil sa iyang amahan nga si Eugenio Bontilao Caballes, 63. Ang amahan nga gitanggong sa Mabolo Police Station wa na makaagwanta human siya gihapsan og dos-por-dos sa biktima nga nasuko sa dihang gibadlong nga dili magsukol-sukol sa iyang inahan nga nisugo kaniya sa pagpawong sa suga sa iyang gipuy-an nga payag. Estorya sa pahina 2. / ARNOLD Y. BUSTAMANTE

Namatay ang 28 anyos nga lalaki human gipusil sa iyang amahan sa Lower Laguerta, Barangay Lahug, dakbayan sa Sugbo sa alas 10:15 sa Lunes sa gabii, Marso 25, 2024.

Ang biktima mao si Kenn Caballes, 28, nagpuyo sa maong lugar samtang ang gitudlo nga suspek nga nitahan sa kapulisan mao si Eugenio Bontilao Caballes, 63, habalhabal driver.

Matod ni Police Major Romeo Caacoy Jr., hepe sa Mabolo Police Station, nga unang nag-away sila si Kenn ug iyang inahan apan gibadlong ni Eugenio ang iyang anak nga dili magsukolsukol sa inahan.

Apan inay mopatuo, nikuha, matod pa, og dos por dos nga kahoy ug gihapsan ang amahan tumong sa liog.

Tungod sa kalagot sa amahan, nisulod kini sa ilang balay ug nikuha sa armas, nibalik ug gipusil si Kenn tumong sa agtang.

Dali nga gidala sa Cebu City Medical Center (CCMC) ang anak apan gideklarar sa mga doktor nga dead on arrival.

“Nabun-og ang liog sa papa kay gibunalan man sa kahoy sa iyang anak. Mao to mikuha’g armas ang amahan ug gipusil niya ang iyang anak. Base sa imbestigasyon murag makadaghan na ni buhata sa biktima nga mosukol sa iyang mama ug papa,” butyag ni Caacoy.

Ang inahan sa biktima nga si Liza Caballes nibutyag nga dugay na nga nasuko ang iyang bana sa anak, ilabi na nga hapit sila labaya niini og bato.

Sa wala pa ang hitabo, gisugo ang biktima sa iyang inahan nga pagngon ang suga sa gawas sa payag nga gipuy-an niini, pipila lang ka lakang nahimutang ang balay sa iyang ginikanan.

Giingong wa nipatuo ang biktima ug nangisog na hinuon hinungdan nga nitumaw ang panaglalis tali sa iyang inahan.

Sa dihang gibadlong sa amahan, gihapsan na hinuon niini ang suspek gamit ang kahoy nga dos por dos hinungdan nga nahayang ang amahan human naigo sa liog.

Gitug-an sa kabanay nga nagumon na sa ilegal nga drugas si Kenn.

Gani matag adlaw na lang kini nga magtama (high) nga bisan unsaon nila og badlong, dili mopatuo.

Pipila na ka tuig nga nag-antos ang mga ginikanan sa biktima ug namatikdan usab nila nga magyawyaw kini nga siya rang usa.

Sila nagduda nga resulta kini sa paggamit og ilegal nga drugas.

Gipatambalan na nila kini sa binisaya sa pamasin nga mausab pa apan nagpabilin ang batasan niini nga mosukol kanila.

Saysay pa sa kabanay sa biktima nga ang binuhi nga hiniktang manok/sunoy sa iyang amahan mangamatay kay lubagon ni Kenn ang liog sa manok kon ang iya sab nga binuhi nga itik labukan sa maong manok.

Nagsugod, matod pa, sa paggamit sa ilegal nga drugas ang biktima niadtong 2020 ug matag adlaw mag-adtoan sa usa ka sityo sa Barangay Busay nga giingong adunay namaligya og shabu.

Kasong parricide ang ipasaka sa Mabolo police batok sa amahan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph