Anak napusilan patay sa amahan

Anak napusilan patay sa amahan
Hulagway kuha ni Arnold Bustamante

NAPATAY sa amahan ang iyang 28 anyos nga anak nga lalaki atol sa ilang away alas 10:15 sa Lunes sa gabii, Marso 25, 2024, sa Lower Laguerta, Barangay Lahug, dakbayan sa Sugbo.

Ang biktima nga gidala pa sa Cebu City Medical Center apan gideklarar sa doktor nga dead on arrival mao si Kenn Pondar Caballes.

Ang amahan nga suspek mao si Eugenio Bontilao Caballes, 63, habal-habal driver.

Sa imbestigasyon sa Mabolo Police Station sa pagpangulo ni Police Major Romeo Caacoy Jr., nasayran nga nag-away ang biktima ug ang inahan niini.

Gibadlong ni Eugenio ang iyang anak nga dili mosukol sa iyang inahan apan nasuko ni ug gibunalan na hinuon og kahoy ang liog sa amahan.

Nikuha sa iyang armas ang amahan ug gipusil ang biktima.

Nakaangkon og samad pinusilan sa ulo si Kenn, hinungdan sa iyang kamatayon.

Kasong parricide ang ipasaka sa Mabolo police station batok sa amahan. (AYB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph