Gipabuhagay ni kanhi world champion Jerwin Ancajas nga sa iyang pamati, nahimo siyang usa ka bogo nga boksidor atol sa iyang 9th round knockout nga kapildihan batok ni Japanese Takuma Inoue niadtong Sabado, Pebrero 24, 2024, sa Tokyo, Japan.
“Dito sa laban na ito, parang naging bobo ako sa taas ng ring... nawala yung pagiging matalino ko sa taas ng ring. Ewan ko ba,” prankang asoy ni Ancajas kabahin sa iyang gipakitang away nga napatik sa Spin.ph.
“Sa boxing career ko, yun ang pinaka-ayaw ko na ganung pangyayari, yung pinagla-laruan ka sa taas ng ring. Mas naging matured pa siya (Inoue) tingnan sa akin sa taas ng ring.”
Dili ikalimod nga mas taas og kasinatian si Ancajas apan gibaliwala ra kini ni Inoue, kinsa nakadepensa sa iyang World Boxing Association (WBA) bantamweight title sa labing unang higayon.
Si Ancajas, kinsa nisagubang sa iyang ika-13 nga world title fight, nahagbong sa 34-4-2, 23KOs nga rekord samtang si Inoue nisaka sa 19-1, 4KOs nga baraha.