Ancajas mogamit og mga amateur boxer sa training
Boxing SunStar File photo

Ancajas mogamit og mga amateur boxer sa training

Nagtuo ang kampo ni Jerwin Ancajas nga si Takuma Inoue mogamit sa iyang counter-punching sa ila unyang away sa bantamweight sa Pebrero 24, 2024 sa Tokyo, Japan.

Tungod niini, nihisgot si Ancajas sa paggamit og amateur boxers ubos sa Philippine Olympic Committee isip tipik sa iyang preparasyon.

Sila si Ancajas ug iyang chief trainer nga magbansay sa Rizal Memorial Sports Complex nagtinguha sa paggamit sa amateur boxers duh aka mga adlaw matag semana.

Matod ni Ancajas nga gikinahanglan niya ang pakig-sparring sa boksidor nga mga kilas ibabaw sa ring kay nagtuo siya nga si Takuma mogamit niini atol sa ilang away sa Ryogoku Kokugikan Sumo Arena.

Si Takuma, manghod ni Japanese boxing superstar Naoya Inoue, modepensa sa unang higayon sa iyang bakos sa World Boxing Association bantamweight division.

Ang away sa duha gitakda niadto untang Nobiyembre 15, apan nauswag human si Takuma naangol atol sa iyang training.

Related Stories

No stories found.
SunStar Publishing Inc.
www.sunstar.com.ph