Nagpanikad na si kanhi world champion Filipino Jerwin Ancajas nga mobalik og away batok kang Ruben Dario Casero sa Panama karong Agusto 3, 2025 (PH time), sa Thunder Studios sa Long Beach, California.
Si Ancajas, kanhi naggunit sa International Boxing Federation (IBF) super flyweight title, nakatakda untang moaway sa undercard sa Pacquiao-Barrios card niadtong Hulyo 27 sa Las Vegas apan wala kini nadayon tungod kay wala naaprubahi sa Nevada Athletic State Commission ang gipangsugyot nga iya untang kontra.
Nagkanayon si MP Promorions head Sean Gibbons nga usa kini sa mga away nga mag-abli og pultahan ni Ancajas aron makapanuktok siya pagbalik alang sa world title, ning higayuna sa bantamweight division.
“He spent his time in the US training alongside Pacquiao, (Eumir) Marcial, and (Mark) Magsayo. We cannot wait more to see him fight,” matod ni Gibbons nga napatik sa www.boxingscene.com.
Si Ancajas adunay 36-4-2, 24KOs nga rekord samtang si Casero adunay 13-4, 5KOs nga baraha. / ESL