Ancajas: Tapales adunay tsansa batok kang Inoue

■ ANAM NA: Si Marlon Tapales mi-pose alang sa Japanese media. / gikan sa MARLON TAPALES FB PAGE
■ ANAM NA: Si Marlon Tapales mi-pose alang sa Japanese media. / gikan sa MARLON TAPALES FB PAGE

Ang kanhi Pinoy world champion nga Jerwin Anca­jas nagtuo nga si Filipino world champion Marlon Tapales dunay kahigayunan nga maka-upset batok kang Naoya Inoue sa ilang binukbokay sa Martes, Disyembre 26, 2023 sa Tokyo, Japan.

Sa artikulo ni Teodoro Me­dina Reynoso sa philboxing.com, si Ancajas gikutlo nga niingon nga ang kasinatian ug maturity ni Tapales maoy iyang bentaha batok sa Japanese Monster.

Matod ni Ancajas nga di dali nga maratol si Tapales base sa nangagi niyang mga away.

“Naranasan na ni Marlon ang mabugbog at bumagsak at bumangon at bumawi at manalo pa sa bandang huli,” matod ni Ancajas.

Iyang gipangtumbok ang mga malisod nga away ni Tapales batok kanila ni Japanese Shohei Omori ug Uzbek Morudjon Akhmaladiev nga iyang gipangpilde.

“Si Naoya hindi pa nararanasan ang mahirap na laban at bumagsak at bumangon sa pagkabagsak sa tamang pa­raan at tiyempo,” dugang ni Ancajas.

Iya usab nga nabantayan ang paglambo sa abilidad ni Tapales sa nanglabay nga katuigan. “Yun ang bentahe ni Marlon aside from the fact that he has continuously been improving through the years,” dugang niya.

Naka-spar na siya kang Tapales ug ning labing ulahi, iyang nabantayan nga milambo ug lahi na kaayo ang inawayan niini itandi kani­adto.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph