Ang mga personnel sa Cebu Technological University – San Fernando Extension Campus nakasinati og dili malimtan nga higayon niadtong Hulyo 22–26, 2025, sa dihang sila nisalmot sa usa ka edukasyonal nga tour ngadto sa mga kasaysayanong Siyudad sa Laoag ug Vigan sa Ilocos Norte ug Ilocos Sur.
Ang orihinal nga plano nga tour para lang unta sa Hulyo 22–24, pero napugos nga molugway hangtod Hulyo 25–26 tungod sa epekto sa bagyong Dante ug Emong.
Kini nga mahinungdanon nga kasinatian nga nahitabo tungod sa sponsorship ni Hon. Mayor Mytha Ann B. Canoy sa San Fernando, Cebu, dili lang ordinaryong tour—usa kini ka pagbiyahe sa pagkat-on, pagpamalandong, ug paglig-on sa panag-uban sa unibersidad ug lokal nga pangagamhanan.
Nagpasabot kini nga ang educational tour usa ka importante ug maayong kolaborasyon tali sa mga administrador sa eskwelahan, mga magtutudlo, ug mga opisyales sa lokal nga gobyerno.
Ang ingon nga relasyon mao’y yawe aron ma-address ang mga problema, mahisgutan ang mga aksiyon ug interbensyon, ug mapangitaan og preventive nga mga paagi nga makabenepisyo dili lamang sa kampus apan apil sa komunidad.
Sa maong kasinatian, mas nahimong klaro nga ang eskwelahan dili gayud mahimong molihok nga bulag sa komunidad diin kini nahimutang; kon adunay pakigtambayayong sa mga opisyales sa LGU, mas responsive ug epektibo ang mga solusyon.
Ang unang pagbisita sa Laoag ug Vigan naghatag higayon sa mga partisipante nga makita ug mabuhi ang kasaysayan. Ang paglakaw sa mga United Nations Educational, Scientific and Cultural Organization (UNESCO) heritage sites, karaang simbahan, ug mga museyo, sinking belfray, naghatag kanila og mas lawom nga pag-ila sa kultural nga identidad sa Pilipinas.
Ang makita nga gipreserbar nga mga hulagway ug mga butang nakasumpay kanila sa mga hitabo sa kagahapon nga nakahulma sa karon.
Labing nakapukaw sa ilang hunahuna mao ang kasaysayan sa pagpatay kang Atty. Julio Nalundasan ug Congressman Atty. Floro Singson Crisologo nga nagpamukaw sa lawom nga pagpamalandong mahitungod sa hustisya, liderato, ug dagan sa politika sa nasod. Kining mga sugilanon nga una lang mabasa, nahimong tinuod nga mga leksyon nga makapamukaw sa hunahuna ug diskusyon.
Gawas sa kasaysayan, nasinati sa grupo ang kalipay sa off-road rides sa bantog nga sand dunes sa Laoag. (wilfredogubalaneanoos@gmail.com)