Nagmangtas ang gitawag nga Greek Freak nga si Giannis Antetokounmpo pinaagi sa dominante nga triple double aron dalhon ang Milwaukee Bucks sa 124-114 nga kadaogan batok Washington Wizards sa NBA regular season game kagahapon, Disyembre 1 (PH time).
Ang all-around forward mitali og 42 puntos, 12 rebounds ug 11 ka assists sa iyang pagbalik sa lineup gikan sa usa ka duwa nga pahuway tungod sa swelling left knee.
Ang Bucks mikuha sa ilang ikaunom nga sunodsunod nga daog.
Nakahimo na ang two-time MVP og tulo ka triple doubles sulod sa unon ka duwa.
Ang guard nga si Damian Lillard miamot og 25 puntos ug 10 assists, samtang ang bigman nga si Brook Lopez mitunol og 18 puntos alang sa Bucks.
Nangulo sa Wizards si Jordan Poole nga dunay 31 puntos, ug si Malcolm Brogdon nga mibuhat og 29 puntos ug 11 rebounds. / RSC