Araneta, magramo mag-away sa NUSTAR

TRAINING. Mihunong una si Christian Araneta (3rd, L-R) sa pag-training aron magpahulagway kauban sila si (L-R) Omega Sports Promotions head Pio Paulo Castillo, Omega Boxing head Andrew Singco, ug Omega Boxing head coach Jinggoy Junco.
TRAINING. Mihunong una si Christian Araneta (3rd, L-R) sa pag-training aron magpahulagway kauban sila si (L-R) Omega Sports Promotions head Pio Paulo Castillo, Omega Boxing head Andrew Singco, ug Omega Boxing head coach Jinggoy Junco. ANDREW SINGCO

Human siya napilde sa duha ka world title eliminator bouts nga iyang naagian, nagkanayon si Christian Araneta nga iyang seguraduhon nga dili na siya mapakyas sa ikatulong higayon.

Ang higayon nga gitumbok ni Araneta mao ang sunod niyang tahas diin ikaharong niya ang sama niyang world-rated nga kababayang si Arvin Magramon karong Enero 26, 2024, sa NUSTAR Resort and Casino Convention Center sa South Road Properties (SRP).

Ang away, nga usa ka International Boxing Federation (IBF) light flyweight title elimi­nator, maoy main event sa gipasiugdahan sa Omega Sports Promotions nga “Kumbati 16” boxing card.

Sa interbyo sa Cebu sports media ning bag-uhay lang sa Omega Boxing Gym sa Mandaue City, nagkanayon si Araneta nga dako ang iyang pagsalig nga molampos na siya ning higayuna.

Si Araneta unang nisagubang og world title eliminator niadtong 2019. Niadtong higayuna, nasugamak siya sa 4th round stoppage nga kapildihan human naangol ang iyang abaga batok ni Mexican Daniel Valladares sa inilugay sa IBF light flyweight mandatory challenger status.

Duha ka mga tuig ang nakalabay, nihamag na sab si Araneta sa laing IBF title eli­minator apan napilde na sab siya pinaagi sa unanimous decision batok ni South African Sivenathi Nontshinga.

Ang modaog nila ni Ara­neta ug Magramo mao ang mahimo’ng mandatory cha­llenger sa modaug sa IBF light flyweight title rematch nila ni defending champion Adrian Curel ug Nontshinga karong Pebrero 16, 2024 sa Mexico.

Si Araneta, 28, adunay 23-2, 18KOs nga rekord samtang si Magramo, 27, naggunit og 17-1-1, 11KOs nga baraha.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph