Napakyas ang Sugboanong si Christian “The Bomb” Araneta sa labing una niyang pagpanuktok alang sa world title.
Si Araneta, kinsa lumad nga Mandaue City, gilupig ni Thai Thanongsak Simsri pinaagi sa split decision sa ilang inilugay sa bakanteng International Boxing Federation (IBF) light flyweight title ning Huwebes sa hapon, Hunyo 19, 2025, sa Ota-City General Gymnasium sa Tokyo, Japan.
Ang duha ka judges nipadaog ni Simsri, 115-112, 116-111, samtang ang usa nipadaog ni Araneta, 114-113.
Napatumba unta ni Araneta sa 3rd round si Simsri pinaagi sa iyang counter left apan wala gihapon kini nisaler ug mas nakahakot og puntos ang Thai fighter sa pagpadayon sa away.
Si Araneta, 30 anyos, kinsa sakop sa Omega Boxing stable, natagak sa 24-3, 20KOs nga rekord samtang si Simsri, 25 anyos, nisaka sa 39-1, 34KOs nga rekord.
Sa kapakyasan ni Araneta, nagpabiling duha ang kasamtangang world champions sa Pilipinas. Kini mao sila si World Boxing Council (WBC) minimumweight king Melvin Jerusalem ug IBF minimumweight titleholder Pedro Taduran. / ESL