Usa ka drug personality nga armado ang gipusasan sa mga sakop sa Waterfront Police Station ala 1:13 sa kaadlawon, Sabado, Hulyo 19, 2025 sa Sitio Silangan 2, Barangay Tejero sa Siyudad sa Sugbo.
Ang suspek giila nga si Kerwin Samson, 18 anyos, taga Sitio Apitong, Barangay PoblaciĆ³n sa Siyudad sa Lapu-Lapu.
Nakuha gikan kaniya ang usa ka kalibre 45 nga paltik nga dunay duha ka bala sulod sa magazine niini.
Ang Waterfront Police Station 3 nakadawat og tawag sa telepono ala 1:10 sa kaadlawon nga dunay armadong tawo sa dapit nga naghatag og kahadlok sa mga residente.
Dali nga miresponde ang mga polis ug ilang naabtan ang suspek nga naggunit pa sa iyang armas hinungdan nga ila kining gidakop.
Kasamtangan nga gikustodiya sa Waterfront Police Station ang maong suspek nga mag-atubang og kasong kalapasan sa Republic Act 10591 kun Comprehensive Firearms and Ammunition Law.
Base sa nakuha nga impormasyon sa kapulisan nga ang suspetsado giingong tigpayuhot sa ilegal nga drugas sa maong lugar.
Gawas niini, siya usab ang person of interest sa nahitabong pagpamusil sa Barangay Tinago niadtong Hulyo 10, 2025 diin siya ang lookout ug driver sa gunman. / AYB