Sikop ang usa ka 36-anyos nga lalaki human nadakpan nga nagbitbit og walay lisensyang armas ug naghupot og gidudahang shabu aa 1:35 sa kaadlawon sa Sityo Sta. Ana, Barangay Labangon, Dakbayan sa Sugbo sa Huwebes sa kaadlawon, Agusto 6, 2026.
Giila ang suspek nga si Jeffrey Baculi Paloma, walay trabaho ug nagpuyo sa Sityo Capaculan, Barangay Tisa.
Nahimo ang pagkasikop ni Paloma human gialarma sa Labangon Police
Station ang tawag bahin sa usa ka armadong tawo sa dapit.
Pag-abot sa kapulisan, nakuhaan ang suspek og usa ka .22 caliber Smith & Wesson revolver nga walay serial number ug adunay duha ka buhing bala.
Sa gihimong pagrekisa, nakuha sab gikan sa suspek ang usa ka medium nga sachet sa gidudahang shabu nga nitimbang og 10 gramos ug
nagkantidad og P68,000 base sa standard drug price. / ABC