Nasikop sa kapulisan ang 27 anyos nga nagtinir og dili lisensyadong armas mga alas 2 pasado sa hapon sa Huwebes, Mayo 22, 2025, sa may Sitio Caduloy, Barangay Tisa, Dakbayan sa Sugbo.
Nailhan ang dinakpan nga si Jerby Cabusas, walay trabaho ug nagpuyo sa na-asoy’ng lugar.
Base sa imbestigasyon, gi-da-kop sa mga sakop sa City Mobile Force Company sa Cebu City Police Office (CMCF-CCPO), ubos sa pagdumala ni Lt. Col. Ferdinand Casiano, ang maong suspek human sila makadawat og alarma mahitungod sa armadong lalaki.
Nakuha gikan sa suspek ang usa ka .38 nga revolver nga walay serial number ug tulo ka buhing bala.
Kasong kalapasan sa Republic Act 10591 ug Comelec Resolution 11067 kun Gun Ban ang atubangon ni Cabusas. / JDG