Usa ka hamtong nga lalaki nga adunay dili lisensiyado nga 22 nga kalibre nga rifle nga adunay duha ka magazines ug mga bala, ang nidangop sa Boljoon Municipal Police Station aron pagtahan sa naasoy nga armas bugti sa usa ka sakong bugas, alas 8 sa buntag, Dominggo, Hulyo 7, 2024.
Sa press release nga gipagawas sa kapulisan sa Boljoon pinaagi sa ilang hepe nga si P/Capt. Michael Sevilla nasayran sa Superbalita Cebu nga usa ka program nga inisyatiba sa kapulisan sa lungsod ang gitawag og “Armas Baylo Bugas.”
Kabahin usab kini sa pagsakmit sa loose firearms nga nasubay sa Oplan Katok sa nasudnong kamandoan sa Philippine National Police (PNP).
Ang pagsakmit sa loose firearms gilauman nga mopaminos sa kriminalidad nga naggamit og armas. / DVG