Balay sa silingan nga giingong nagpatong-its.
Balay sa silingan nga giingong nagpatong-its. DVG

Asawa gisumbag kay ‘nagsugal’; ‘pasugalan’ gibuboa’g gasolina

Ginang nakaangkon og black eye kay gisumbag sa iyang bana sa dihang naabtan nga nagduwa og tong-its sa pasugalan sa ilang silangan sa Barangay Balisong, Lungsod sa Argao, amihanang Sugbo.

Mga ngan sa hingtungdan gipugngan ning mantalaan kay usa kini ka kaso sa domestic violence.

 GASOLINA: Galon nga gisudlan og gas nga gisablig sa balay sa silingan.
GASOLINA: Galon nga gisudlan og gas nga gisablig sa balay sa silingan. DVG

Mirespondi ang kapulisan sa lungsod sa Argao ubos sa pagdumala ni PMaj. Ivy Bartolome sa alarma niadtong Lunes sa gabii, Disyembre 4, 2023.

Kini human nireklamo ang biktima sa iyang nahiaguman sa pagsumbag sa iyang mister kaniya.

Gibuboan sab og usa ka galon nga gasolina sa bana ang balay sa ilang silingan diin naabtan ang biktima nga matod pa nagsugal, maayo na lang nga wa dusliti.

Base sa imbestigasyon sa kapulisan nga pwerting pungota sa suspek sa dihang iyang naabtan ang iyang asawa nga nagduwa og tong-its.

Apan ang biktima mihimakak nga siya nagsugal kay matod pa igo lang siya naninda pinaagi sa pagsuroy sa saging minantikaan ug aduna siyay gipaningil nga utang.

Dili mosang-at og reklamo ang asawa ingon man tag-iya sa balay nga gisabligan og ga­solina.

SunStar Publishing Inc.
www.sunstar.com.ph