Mahinayon ang pagpakigharong ni Filipino Vincent Astrolabio sa sama niyang kanhi world title challenger nga si Thai Prasitsak Phaprom karong Abril 14, 2025, sa Sanman Promotions boxing card sa Cambodia.
Kining maong engkuwentro orihinal nga nakatakda sa niagi pang buwan sa Sultan Kudarat apan nauswag kini gumikan sa rason nga adunay kalambigitan sa medikal, nga wala gibutyag.
Si Astrolabio, kinsa lumad nga taga General Santos City, nasugamak sa 1st round knockout nga pilde sa iyang pagpakigbatok ni Japanese Junto Nakatani sa inilugay sa World Boxing Council (WBC) bantamweight title sa niaging tuig sa Japan.
Naggunit si Astrolabio og 19-5, 14KOs nga rekord samtang si Phaprom adunay 41-4-2, 26KOs nga baraha.
Mopakita sab og aksyon sa promosyon ang laing mga Pinoy nga sila si kanhi unified world bantamweight champion Marlon Tapales ug highly-rated minimumweight Joey Canoy batok sa lainlaing kontra. / ESL, EKA