Napili si Cardinal Robert Francis Prevost sa Estados Unidos nga ika-267 nga Obispo sa Roma, nga naghimo kaniya nga unang Amerikano ug unang Augustinian nga nahimong papa.
Gikuha niya ang ngalan nga Papa Leo XIV.
Nagbarog atubangan sa malipayong panon sa mga tawo sa St. Peter's Square, ang bag-ong napiling papa mitimbaya ug iyang unang mga pulong: "Peace be with all of you!"
Ang pahibalo gihimo pipila ka gutlo sa sayo pa ni Cardinal Protodeacon Dominique Mamberti gikan sa balkonahe sa Saint Peter's Basilica, gamit ang tradisyonal nga Latin nga proklamasyon: "Habemus Papam!"
Si Papa Leo XIV napili pinaagi sa usa ka conclave sa 133 ka mga kardinal sa pagboto, nga nagkinahanglan ug 2/3 nga mayoriya aron molampos.
Ang puti nga aso gikan sa panghaw sa Sistine Chapel, Huwebes sa hapon, Mayo 8, 2025 (oras sa Vatican), nagtimaan nga aduna nay napili ang mga kardinal.
Gilauman nga ipadayon niya ang daghang mga prayoridad ni Pope Francis, lakip ang pagpunting sa pastoral care, curial reform ug global inclusion.
Sa iyang unang mga miting isip bag-ong napili nga papa, si Papa Leo XIV mitanyag ug mensahe sa panaghiusa, katin-aw, ug pagtuo ngadto sa kapin sa 2.1 ka bilyong Katoliko sa tibuok kalibotan.
Sa iyang tigum, si Pope Leo XIV naghatag pasidungog sa iyang gisundan, si Pope Francis, kinsa naghisgot sa iyang katapusang pag-ampo sa Pasko sa Pagkabanhaw.
“The Pope, who blessed Rome, gave his blessing to the entire world that morning of Easter. Let me follow that up: God loves us. God loves everyone. Evil will not prevail,” matod ni Pope Leo XIV.
“We are all in the hands of God. Therefore, without fear, united, hand in hand, and with God, and amongst ourselves, let us go forward. We are the disciples of Christ. Christ goes before us. The world needs His light,” dugang niya.
Sa usa ka apela alang sa panaghiusa ug pagtabang, iyang giawhag ang Simbahan nga mahimong tulay tali sa mga tawo.
“Help us and all others to build bridges with dialogue, with meeting, to be one common people living always in peace,” ang bag-ong Santo Papa miingon.
Gihulagway ni Papa Leo XIV ang iyang panglantaw nga ang Simbahan, padayon sa paggamot sa pagtuo ug kadasig sa misyonaryo.
“Seeking work with men and women who are faithful to Jesus Christ, without fear to proclaim the Gospel, to be missionaries,” nagkanayon si Pope Leo XIV.
Isip membro sa Augustinian order, ang bag-ong papa namalandong sa mga pulong ni San Agustin sa paghulagway sa iyang relasyon sa Simbahan.
“I am a son of Augustine, who said, ‘With you I am Christian, and for you, a bishop.’ And I think in that sense we can walk together to that homeland, that home which God has prepared for us,” matud ni Pope Leo XIV.
“We have to seek together to be a missionary Church… always ready to accept like this great piazza with its arcs… to show our charity, presence, and dialogue with love,” siya midugang.
Sa iyang panapos, ang papa ni-isyu og usa ka panawagan sa universal Church sa pagdawat sa sinodalidad ug kalooy.
“We must be a synodal Church, one which goes forward and which always seeks peace, charity, and to be close to those who suffer,” matud sa papa.
Sumala sa Vatican News, si Papa Leo XIV natawo sa Chicago sa Septiyembre 14, 1955, sa usa ka pamilya nga France, Italian, og Spanish nga kaliwat.
Misulod siya sa Order of Saint Augustine ug mihimo sa iyang unang panaad sa 1978.
Giordinahan siya pagka-pari sa Roma niadtong 1982 pagkahuman sa iyang pagtuon sa teyolohiya, ug sa ulahi nakakuha og doctorate sa Canon Law.
Pagkahuman sa iyang akademikong pagbansay, nagserbisyo siya og kapin sa usa ka dekada sa Peru.
Niadtong 1999, napili siya nga Provincial Prior sa Augustinian Province of Chicago ug pagkahuman nagserbisyo sa duha ka termino isip Prior General sa Augustinian Order sa tibuok kalibutan.
Ang iyang episcopal motto, "In Illo uno unum" ("In the One, One"), nga gikuha gikan ni San Augustine, nagpakita sa iyang tibuok kinabuhi nga pagpasiugda sa panaghiusa diha kang Kristo. / JGS / SunStar Philippines
