Gitangtang sa serbisyo sa Office of the Ombudsman ang pipila ka incumbent officials gikan sa nagkadaiyang Local Government Units (LGU) sa Bohol ug gikan sa mga regional agencies sa Central Visayas tungod sa kontrobersyal nga resort nga gitukod sa protected landscape sa Bohol Chocolate Hills.
Sa labing uwahing desisyon niadtong Marso 12, 2025, ang Ombudsman mitangtang sa 18 ka opisyal; 16 ang gisuspenso; ug 10 ang gibadlong lakip na si Gobernador Aris Aumentado tungod sa Captain’s Peak Garden and Resort.
Gisaway sa netizens ang mga tag-iya sa resort, human ang video nga gi-post online sa usa ka Davao-based vlogger nga nagpakita sa resort nga napalibutan sa mga bungtod nga nag-viral niadtong Marso 12, 2024. Sa laing desisyon, ang Ombudsman nakakita og probable cause aron kasuhan ang 96 ka mga opisyal nga nakalapas sa Section 3(e) ug (j) sa Republic Act 3019, nailhan usab nga Anti-Graft and Corrupt Practices Act.
Ang kasong administratiba, nga gisang-at sa Field Investigation Office (FIO) sa Office of the Ombudsman, nipasangil niining mga opisyal nga nakahimo og Grave Misconduct, Gross Neglect of Duty, ug Prejudicial to the Best Interest of the Service mahitungod sa Captain’s Peak Resort.
Ang resort nahimutang sa Canmano, Sagbayan, sa Bohol, ug nahimutang sulod sa Chocolate Hills National Monument (CHNM), nga gideklarar nga protected area ug UNESCO World Heritage Site.
Gi-dismiss tungod sa Service for Grave Misconduct:
Restituto Suarez III (Mayor sa Sagbayan, Bohol)
Maximo Lomosbog (Zoning Administrator sa Sagbayan, Bohol)
Alan Dinoy (Municipal Building Official sa Sagbayan, Bohol)
Kini nga silot naglakip sa pagkansela sa ilang eligibility, pagkatangtang sa ilang retirement benefits, ug perpetual disqualification gikan sa pagpanarbaho sa gobyerno.
Gi-dismiss tungod sa Service for Gross Neglect of Duty:
— 2018-2022 PAMB Technical Working Group (TWG)/Inspection Team ug mga opisyal sa DENR 7:
Jose Douglas Berenguel
Ceferino Tajo
Betsy Jumamoy
Lito Bonajos
Maria Fe Jala
Rogaciana Caduyac
Adelo Mangaya-ay
Tito Ancog
Paulino Amodia
Laurentino A. Bautista (Officer-In-Charge, 2018 CENRO/PASu)
Lorna Fernandez (PAPB Secretariat/Assistant Protected Area Superintendent, 2022 APASu)
Ariel N. Rica (PENRO, 2022 PASu)
Paquito Melicor, Jr. (PAMB Chairman ug RED sa DENR)
Gilbert Gonzales (PAMB Chairman ug RED sa DENR)
Nag-atubang usab sila sa pagkatangtang sa serbisyo, pagkahanaw sa ilang retirement benefits, ug perpetual disqualification gikan sa pagpanarbaho sa gobyerno.
2-Month Suspension tungod sa Simple Misconduct:
— Nagkadaiyang mga Kapitan sa Barangay nga mga miyembro sa PAMB nga mitambong sa 2018 ug 2022 nga mga miting napamatud-an nga sad-an:
Querino Aparicio (La Victoria, Carmen)
Crisanta Añosa (Calatrava, Carmen)
Ceferino Tajo (La Paz, Carmen)
Cecilia Tesio (Nueva Vida Norte, Carmen)
Gregorio Digamon (Nueva Vida Sur, Carmen)
Nelito Gallogo (Montevedio, Carmen)
Teresita Pahamutang (Libertad Sur, Sagbayan)
Rebecca Castro (Sta. Catalina, Sagbayan)
Eulogio Aparri (Canmaya Centro, Sagbayan)
Betsy Jumamoy (Santa Cruz, Sagbayan)
Fernando Tocmo (Calangahan, Sagbayan)
Erlinda Nacua (Katipunan, Sagbayan)
Teresita Cañete (Dagnawan, Sagbayan)
Paula Cabarse (Mantalongon, Sagbayan)
Lito Bonajos (San Vicenter Sur, Sagbayan)
Erwin Capa (Kagawasan, Sagbayan)
Rufino Sarong (Poblacion Sur, Batuan)
James Diolan (Behind the Clouds, Batuan)
Rogaciana Caduyac (Quezon, Batuan)
Ian Bernadez (Santa Cruz, Batuan)
Tito Ancog (Bugang Norte, Bilar)
Timoteo Quimpan (Bugang Sur, Bilar)
Ang silot sa pagkasuspenso mahimong ibaylo ngadto sa multa nga usa ka tuig nga suweldo, adto bayran sa Office of the Ombudsman, mahimong i-deduct gikan sa natipon nga leave credits sa respondent o ubang mga madawat gikan sa ilang buhatan.
Gibadlong nga aduna’y pahimangno:
— Ang 2018-2022 EXECOM nga mga miyembro sa CHNM-PAMB nga wala sa mga miting:
Erico Aristotle Aumentado (Governor, Province of Bohol)
Atty. Antonino Jumawid (Mayor, Municipality of Batuan, Bohol)
Elizabeth Pace (Mayor, Municipality of Catigbian, Bohol)
Virgilio Lurot (Mayor, Municipality of Catigbian, Bohol)
Allen Ray Piezas (Mayor, Municipality of Clarin, Bohol)
Eugeniano E. Ibarra (Mayor, Municipality of Clarin, Bohol)
Norman Palacio (Mayor, Municipality of Bilar, Bohol)
Simplicio C. Maestrado, Jr. (Mayor, Municipality of Sierra Bullones, Bohol)
Michael Doria (Mayor, Municipality of Sierra Bullones, Bohol)
Dionisio Neil Balite (Mayor, Municipality of Valencia, Bohol)
Ranulfo Q. Maligmat (Mayor, Municipality of Bilar, Bohol)
Joel A. Elumba (Regional Director, Department of Agriculture Region 7)
Isip miyembro sa House of Representatives (HOR) si Edgar Chatto, Maria Vanessa Aumentado, ug Kristing Alexie Tutor, gi-refer na ngadto sa sa HOR Committee on Ethics and Privileges ang ilang mga administratibong reklamo. / EHP