Giandam na alang sa digital marketing ang kapin 30 ka sales leaders sa Avon gikan sa Dakbayan sa Sugbo human sila nisalmot sa digital marketing training nga gipasiugdahan sa PLDT ug Smart Communications Inc. pinaagi sa ilang programa nga #eBizNovation, kauban ang Avon Philippines.
Sukad pa sauna, nasandigan sa mga Avon dealer ang ilang print catalog aron mapaila ang ilang mga produkto sa mga konsumidor.
Apan sa karon nga nag-uswag ang teknolohiya, gipasabot sa programa ang kamahinungdanon sa pagbalhin ngadto sa online selling pinaagi sa paghatag og konkretong kahibalo sa social media marketing, smartphone photography, ug content creation gamit ang video.
“We are committed to helping small businesses grow,” matod ni Stephanie V. Orlino, AVP ug Head of Stakeholder Engagement sa PLDT ug Smart.
“Through the #eBizNovation program, we provide small businesses with the essential digital skills they need to thrive in today’s economy. When we help them go digital, we contribute to the overall growth and development of our nation,” dugang niya.
Gawas sa marketing skills, gilakip sab sa sesyon ang cybersecurity training ubos sa #BeCyberSmart campaign sa PLDT ug Smart.
Gitudluan ang mga partisipante unsaon paglikay sa mga online scam, phishing, ug uban pang cyber threats nga kasagarang target sa gagmay’ng negosyante.
Alang kang Amy Ponce, 57-anyos ug 16 ka tuig na nga Avon dealer nga taga Brgy. Sambag 2, Siyudad sa Sugbo, dakong tabang ang training ilabina sa dealers nga wala kaayo nakasinati sa teknolohiya.
“I gained helpful insights from this training as I continue learning how to promote Avon products online. Thanks to PLDT, Smart, and Avon for encouraging us, especially the more senior dealers, to go digital,” iyang pasalamat.
Ang pag-tap sa Cebu isip bahin sa programa nagpakita sa papel sa siyudad isip sentro sa kalambuan sa negosyo ug inobasyon sa tibuok Visayas.
Gipasiugda niini nga dili lang ang dagkong kompanya ang angay tabangan sa digital transformation, kondili apil ang gagmay’ng negosyante nga kasaligan sa komunidad.
Ang eBizNovation usa lamang sa daghang inisyatiba sa PLDT ug Smart aron makahatag og patas nga access sa teknolohiya ug kahibalo sa tibuok Pilipinas.
Tumong sa programa ang paglig-on sa micro-entrepreneurs aron sila mahimong aktibong kabahin sa padayong kalambuan sa lokal nga ekonomiya. / PR