Awto nasunog sa CSCR; P200K danyos

Awto nasunog sa CSCR; P200K danyos
SunStar Local News

Nasunog ang usa ka awto nga nitadlas sa Cebu South Coastal Road (CSCR) sa habig sa San Isidro, Siyudad sa Talisay, alas 11:56 sa gabii sa Biyernes, Hunyo 28, 2024.

Ang tag-iya nga mao say drayber sa awto giila lang sa alyas nga Luigi, taga 82 Francisca, Banawa, Brgy. Guadalupe, Siyudad sa Sugbo.

Nasayran sa Superbalita Cebu gikan kang F02 Mar Dee II A. Auxtero, fire investigator sa Bureau of Fire Protection (BFP) sa Siyudad sa Talisay, nga si Luigi nitadlas sa CSCR padulong sa haba­gatan.

Sa kalit lang, niaso ang atubangang bahin sa awto, sa may battery side ug nisilaub.

Dali nilang girespondihan dihang kini gialarma.

Napawong ang kayo niana nang mga ala 1 sa kaadlawon sa Sabado, Hunyo 29, 2024.

Wa hinuon maunsa si Luigi ug wa pud mahingpit sa pagkaugdaw ang awto apan nagbilin og danyos nga gibana-banang naa sa kapin kun kuwang P200,000. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph