Nabungkag ang mga kustomer su’d sa usa ka internet cafe sa Sitio Mananga 2, Brgy. Tabunok, siyudad sa Talisay, Sugbo sa alas 6 sa gabii, Huwebes, Disyembre 21, 2023, dihang usa ka babaye gipusil.
Sumala sa tinubdan sa Superbalita Cebu, ang biktima mao si Jenelyn Belocora, hamtong, lumolupyo sa naasoy nga dapit.
Dugang sa tinubdan, ang suspek sa pagpamusil mao si Jose Roy Romares, alyas Seroy, hamtong.
Subay sa imbestigasyon sa kapulisan sa Talisay ubos sa kamandoan sa ilang hepe nga si Police Lt. Col. Wayne Magbanaua, sa wa pa ang pagpamusil, dihang adlaw pa, ang suspek nangita nga masuk-anon sa biktima.
Pagka alas 6:00 sa gabii sa samang adlaw, ang suspek nakatultol sa biktima nga naa sa internet cafe.
Sumala sa saksi, nag-istoryahanay pa ang duha apan ang suspek kalit nga nibunot gikan sa iyang hawakan sa wa matino’ng kalibre sa armas ug gipusil ang ulo sa biktima.
Ang biktima gidali sa pagtabang sa mga rescuer ug gidala sa Cebu South Medical Center apan gideklarar nga dead on arrival (DOA).
Ang suspek nisibat human sa pagpamusil ug gilusad dayon sa kapulisan ang hot pursuit.
Gisubay a kapulisan ang anggulo nga bahin sa illegal drugs ang motibo human wa maestabilisar kon duna bay relasyon ang duha nga makaaghat sa pagpatay.