Babaye patay sa karambola sa Osmeña Blvd., nailhan na

Babaye patay sa karambola sa Osmeña Blvd., nailhan na
SunStar Local News GPX

Nailhan na ang babaye nga nakalas sa karambola sa mga sakyanan sa Osmena Boulevard sa Barangay Sant Cruz, dakbayan sa Sugbo sa Huwebes sa udto, Pebrero 8, 2024.

Ang babaye nga namatay giila nga si Analyn Cubong Pepito, kinsa nag-angkas sa motorsiklo nga gimaneho ni Marcelino Ardimer Pepito, nga unang nakalas usab sa aksidente nga naglambigit sa lima ka mga sakyanan.

Ang duha pareho og bansagon apan wala pa maestabilisar sa kapulisan ang ilang relasyon.

Matod ni Police Major Jonathan Dela Cerna, hepe sa Traffic Enforcement Unit sa Cebu City Police Office (CCPO), nga kasamtangan nga gitanggong sa ilang buhatan ang drayber sa Nissan Terra nga maoy hinungdan sa karambola sanglit nagpaabot pa sila sa mga kabanay sa mga biktima alang sa pag sang-at sa pormal nga reklamo.

Apan kon magkasinabot ang mga biktima nga dili na sila mopasaka og kaso batok sa suspek, mapugos ang kapulisan sa pag release niini sa ilang kustodiya bisan pa nga dunay duha nga nakalas.

Dugang ni Dela Cerna nga base sa ilang imbestigasyon, sad-an gyud si Marcelino Denila.

Gani giangkon, matod pa, niini nga human niya mabanggai ang usa ka PUJ nga gimaneho ni Renante Sumayang, 54, taga Kalunasan, naratol na siya.

Imbis brake ang tumban, ang accelerator na hinuon hinungdan nga naapil ang motorsiklo ug ang laing duha pa ka sakyanan sa unahan.

Awhag sa kapulisan sa mga motorista nga moagi sa Osmena Blvd. o bisan asa nga dapit sa dakbayan sa Sugbo, nga dili mopakusog sa pagpadagan aron dili makasugat og disgrasya, ilabi na nga ang maong dapit daghang sakyanan nga mangagi paingon sa downtown ug uptown area sa dakbayan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph