Nasikop sa mga sakop sa Carbon Police Station sa Cebu City Police Office (CCPO) ang usa ka 32 anyos nga babaye atol sa buy-bust, alas 3:45 sa kaadlawon, Martes, Septiyembre 2, 2024, sa Sitio Ermita Proper, Barangay Ermita.
Ang suspek giila nga si Janine Palermo Milagrosa, hamtong ang panuigon, ug residente sa naasoy nga lugar.
Nakuha gikan kaniya ang mga pinutos sa gituohang shabu nga motimbang og 15 gramos nga dunay standard drug price nga P102,000.
Ang Station Drug Enforcement Unit sa Carbon Police Station dugay na nga nag-monitor sa suspek labot sa iyang negosyo sa illegal nga drugas ug nagpaabot lang og tukmang panahon sa pagsikop kaniya. / AYB