Baboy, lubi naigo sa kilat

■ NAIGO SA KILAT: Kini ang lubi ug ang baboy nga naigo sa kilat sa Sityo Kabadiangan, Barangay Jomgao, lungsod sa Argao, alas 2 hangtod sa alas 3 sa kaadlawon sa Miyerkules, Hunyo 5, 2024. / DARIO V. GIL
■ NAIGO SA KILAT: Kini ang lubi ug ang baboy nga naigo sa kilat sa Sityo Kabadiangan, Barangay Jomgao, lungsod sa Argao, alas 2 hangtod sa alas 3 sa kaadlawon sa Miyerkules, Hunyo 5, 2024. / DARIO V. GIL
■ NAIGO SA KILAT: Kini ang lubi ug ang baboy nga naigo sa kilat sa Sityo Kabadiangan, Barangay Jomgao, lungsod sa Argao, alas 2 hangtod sa alas 3 sa kaadlawon sa Miyerkules, Hunyo 5, 2024. / DARIO V. GIL
■ NAIGO SA KILAT: Kini ang lubi ug ang baboy nga naigo sa kilat sa Sityo Kabadiangan, Barangay Jomgao, lungsod sa Argao, alas 2 hangtod sa alas 3 sa kaadlawon sa Miyerkules, Hunyo 5, 2024. / DARIO V. GIL

Nakurat ang mga molupyo sa Sityo Kabadiangan, Barangay Jomgao, lungsod sa Argao tungod sa kusog nga dugdog ug sipa nga kilat atol sa pagbunok sa uwan sa alas 2 hangtod sa alas 3 sa kaadlawon sa Miyer­ku­les, Hunyo 5, 2024.

Si Johnrey Geldore, usa ka barangay konsehal sa Jomgao nga nahinabi sa Superbalita Cebu, niingon nga nakamata siya sa kakusog sa uwan, grabeng dugdog ug sipa nga kilat.

Dugang ni Geldore, nakadungog usab siya sa singgit sa usa ka inahan ug ang pag-umangkon niini nga diha sa pansayan nga gawas sa balay.

Ang duha nakasinggit sa ilang nakita nga pag-igo sa kilat sa usa ka punoan sa lubi nga natusaktusak ug napiksan ang anay nga baboy nga diha sa tangkal duol sa lubi.

“Maayo na lang nga wa maigo ang duha..” matod ni Geldore.

Ang maong baboy nga 100 kilos, gipanag-iya ni Geldore a­­pan gipaalimahan kini, napa­ra­lisado na human naigo sa kilat.

Si Jaymar Alberca, anak sa nag-alima sa baboy sa konsehal, nisaysay sa Superbalita Cebu nga ila na lang giihaw ang baboy ug gipaligya ang karne.

Matod ni Geldore, mao kad­to ang unang higayon nga na­hitabo sa ilang dapit nga gra­beng dugdog ug kilat. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph