Sa tinguha nga mabalik ang kadasig sa natad sa eskrima dili lang sa Sugbo kon dili sa tibuok kapupud-an, mga arnisador dinhi sa Sugbo ang nagtukod og usa ka asosasyon nga maoy modumala sa mga kalihukan niini.
Niadtong Mayo 10, 2025, usa ka simpling paglusad ang gihimo sa mga opisyales sa bag-ong naporma nga Doce Pares, Incorporated diha sa 4th floor 99 RCA Car Repair Bldg, sa Sergio Osmena Boulevard, dakbayan sa Sugbo.
Dungan sa paglusad mao usab ang paghurar sa mga napiling opisyales atubangan sa ilang mga guests.
Si Super Grand Master (SGM) Armulfo "Dodong" Cuesta maoy napiling Presidente sa maong asosasyon samtang ang langyawng Grandmaster nga si Steve Wolk mao usab ang bise-presidente.
Ang ubang mga opisyales mao sila si Cesar Tabobo, Corporate Secretary; Gerard Rubsiana, Treasurer; John Marquez, Auditor; Alberto Alonto, PRO; Joseph Canete ug Neon Arcilla, Sgt. at Arms.
Sa samang higayon, ang moang mga opisyales magsilbi usab nga Board of Directors. / JBM