Bag-ong drug player sa Siquijor, nasikop

Bag-ong drug player sa Siquijor, nasikop
SunStar Local News GPX

Bag-ong nailhan nga drug personality sa Barangay Po-o, lungsod sa Lazi, lalawigan sa Siquijor nga naila nga drug-cleared barangay, ang nasikop atol sa buy-bust sa Philippine Drug Enforcement Agency (PDEA) ug Siquijor Police Provincial Office, alas 11:25 sa buntag, Martes, Mayo 7, 2024.

Ang suspetsado nga nadakpan giila sa PDEA nga si Gaudencio G. Jumawan Jr., 45, mag-uuma ug nagpuyo sa Barangay Campalanas, Lazi.

Nakuha gikan kaniya ang tulo ka pakete sa gituohang shabu nga motimbang sa usa ka gram nga dunay estima­ted average market value nga P6,800.

Matod ni Leia Alcantara, information officer sa PDEA 7, nga uban sa operation ang Lazi Municipal Police Station gipahibayon ang buy-bust.

Ang illegal nga kalihukan sa suspetsado nga si Jumawan na-monitor kini sa Municipal ug Barangay Anti-Drug Abuse Councils.

Tungod niini, gipaubos da­yon sa PDEA og tulo ka se­mana nga case buildup ug gii­ngong makabaligya kini og duha ngadto sa tulo ka gramo nga shabu sa matag semana.

Matod ni Alcantara, nagpadayon ang monitoring ug validation sa mga nadawat nga report labot sa illegal drug activities sa drug cleared barangays aron magpabilin ang status niini. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph