Kapin sa P26 milyones nga balor sa mga kagamitan sama sa computers, vest, motorsiklo ug uban pa nga gipalit sa Philippine National Police (PNP) ang nangabot sa Police Regional Office (PRO) 7 aron magamit sa ilang police operations.
Nipahibawo si Police Brigadier General Redrico Maranan, ang hepe sa kapulisan sa Central Visayas nga ang maong mga bag-ong gamit naabot sa miaging semana nga naglangkob sa 222 ka desktop, walo ka tablets, 225 ka waistcoat vest.
Lakip sa gipakita sa PRO-7 ang mga pito ka motorsiklo nga maoy magamit sa mga personnel pagtubag sa alarma ug pagtuman sa 3-5 minute response time nga programa sa PNP karon.
Gipalitan usab ang PRO-7 ug mga bag-ong handheld radio nga moabot sa 82 ka unit nga ipang apod-apod sa mga City ug Provincial Police Office sa Central Visayas.
Nipasabot ang heneral nga mahinungdanon kaayo ang maong mga kagamitan ilabi na sa ilang trabaho nga sulod lang sa 5 minutos ilang ma respondihan ang bisan unsa nga alarma.
“Yung mga equipment, yung computers, yung mga radyo, yung bullet vest galing yun sa ating Chief PNP, ibinababa niya yun dito sa Region 7 nang sa ganun maipamahagi natin at yun ang ating gagamitin para ipatupad yung 5-minute response time na gusto ng ating Chief PNP, kaya kasama doon yung mga computers, tablets and 82 sets of radio ganun din yung mga sets nga bulletproof vest,” matud ni Maranan.
Samtang ang mga bag-ong sakyanan ug mga bisikleta gidonar sa mga lokal nga kagamhanan alang sa ilang mga police stations. / AYB