Usa ka drayber sa tricycle nga nalambigit sa pagpamaligyag ilegal nga drugas ang nasikop sa buy-bust sa Philippine Drug Enforcement Agency (PDEA)-Siquijor Provincial Office uban sa kapulisan sa lungsod sa Siquijor, alas 6:45 sa gabii, Dominggo, Oktubre 13, 2024 sa Barangay Somgculan.
Ang nadakpan giila nga si Fulgence Maglinte, 42, ug taga sa Candanay Sur, Siquijor nga giila nga drug cleared nga barangay.
Nasakmit sa mga operatiba ang upat ka pakete sa gituohang shabu nga motimbang sa 0.20 gramos nga dunay estimated average market value nga P1,360.
Matod ni Leia Alcantara, information officer sa PDEA 7, usa ka buwan nga gipaubos sa case buildup ang suspek human nila madawat ang inpormasyon gikan sa kasaligang tinubdan.
Giingong makabaligya si Maglinte og 3 ngadto sa 5 gramos sa shabu matag semana. / AYB