Mga duwa karon:
5:00 pm- Converge batok NLEX
7:30 pm- Blackwater batok Ginebra
Mosuway pagkuha og bahin sa liderato ang NLEX Road Warriors sa ilang pagpakigbatok sa Converge FiberXers sa premirong duwa sugod karong alas 5:00 sa Biyernes sa hapon, Mayo 23, 2025, sa Philippine Basketball Association (PBA) Season 49 Philippine Cup sa Philsports Arena.
Ang Road Warriors kasamtangang nagsolo sa ikaduhang luna dala ang 5-1 nga rekord sunod sa league-leader Magnolia Chicken Timplados Hotshots, nga adunay 6-1 nga baraha. Ang FiberXers naa sa ikalimang luna bitbit ang 5-3 nga rekord.
Sa main game, makigsangka ang Brgy. Ginebra Gin Kings sa nagsalimoang nga Blackwater Bossing.
Ang Gin Kings naa sa ikaupat nga puwesto dala ang 4-2 nga rekord samtang nagbitay sa ilawom nga bahin ang bossing nga adunay 1-5 nga baraha. / ESL