Bakery nasunog; P4.2M danyos

Bakery nasunog; P4.2M danyos
NAKIGKUMBATI: Naninguha ang mga bombero nga di makakatap pa ngadto sa silinga’ng istruktura ang sunog nga miulbo sa Sityo Upper Matumbo, Barangay Pusok, Lapu-Lapu City, Martes sa buntag, Hunyo 18, 2024. / CHRISTIAN PAUL ALESER

Mokabat ngadto sa P4.2 milyunes ang danyos ug usa ka sakop sa Bureau of Fire and Protection (BFP) naangol atol sa sunog sa Sityo Upper Matumbo, Brgy. Pusok, Siyudad sa Lapu-Lapu.

Ang insidente nahitabo sa alas 11:30 sa buntag sa Martes, Hunyo 18, 2024.

Base sa pasiunang imbestigasyon sa kabumberohan nga ang sunog gikataho’ng nagsugod sa balay ni Letecia Azucenas nga gipuy-an nilang Elenn ug Glenn Bazarte.

Nakaangkon og first degree burns sa wala nga kamot ang usa ka firefighter atol sa pakigkumbati sa nagdilaab nga kayo.

Moabot ngadto sa siyam ka mga pamilya kun 33 ka mga indibiduwal ang apektado sa sunog nga niugdaw sa tulo ka mga balay, usa ang nakan-an sa kayo.

Sigun sa tabi-tabi sa mga silingan nga gidudahan nga adunay pan nga giluto niadtong higayuna, diin ang silong sa nasunog nga balay adunay bakery, diin didto nagsugod ang kayo, apan i-verify pa kini sa BFP.

Ang Lapu-Lapu City Disaster Risk Reduction Management Office nga gidumala ni Nagiel Bañacia ug ang City Social Welfare and Services niabag sa mga nasunogan ingon man ang pagtunol sa dinaliang mga ayuda ngadto sa mga biktima. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph