Alden Arsèn
Usa ka dangaw ang mipataliwa
sa atong kapalaran;
nagtapad ta niining dyip
nga naglatas sa kadalanan sa V Rama.
Kulongon ang imong buhok
nga gipaak sa pulang pugong.
Samtang ang imong duha ka itom nga ariyos
Giduyan-duyan sa huyuhoy.
Mihunong ang 06C sa eskina sa Espina.
Ug sa imong pagkanaog, gikulipa
sa pugong—ang imong buhok—nanamilit
og kinalitkalit ug kinawatkawat
nga halok sa akong tuong aping.
Ug karon ang mipataliwa sa atong kapalaran
ang dili madangaw nga kamingaw;
samtang mipabulhot
ang dyip
paingon sa utlanan
sa V Rama.