MAR MAÑUS, JR. / Basak-Iba, Lapulapu City
Ang adlaw miabot na
Nga ang uniporme
isang-at na
Kay ila na gyong maani
Ang tinukawan sa mga gabii.
Nanglupad mga buntog sa dughan
Sa kalipayng labihan
Kay mahuptan na
gyud nila
Ang gikahinamang
diploma.
Pulang rosas gisab-it sa dughan
Sa kalipayng labihan maoy
timaan.
Apan aduna poy kawiling nanguhit
Kay iyahay na man lag panamilit.
Kadtong may pagbating gitagoan
Sa kinahiladman sa dughan
Igo na lang sa
pagpanghupaw
Ug unya ang awit
mosibaw:
“Roses are red, my love…
Violates are blue…
Sugar is sweet my love…
But not as sweet
as you.”