Balak: Alang niadtong labing kusgan

Balak: Alang niadtong labing kusgan

JOHN DANTE
Pitogo, Consolacion, Cebu

Namunit akog mga bituon sa langit
Ug gipanuksok sa akong bulsa
Paglingi ko sa luyo, hipalgan tika
Nagbaguod sa imong
mga problema
Tuyuon ko pa untang balikan ka
sa agi
Apan misenyas ka
kanako
“Ayaw! Ayaw na
paglangan
dinha!
Akoa ni,” maoy
imong sulti.
Mipadayon ako nga nanadlas
Padayong nanginhas sa kawanangan
Ang bulsa ko, ako usab gibuslotan
Nangahulog ang ubang bituon
Sa akong linaktan, taudtaod
Nakaapas ra ikaw
Kalit ikaw nga
miagbay
Kadako sa imong ngisi
Naikag ka diay sa naghayag
Nga dalang gisubay
Sa imong linaktan.
Gunit kanako, Higala!
Mopadayon kita
pagtadlas
Sa naglambungay
nga mga hibla
Paanod sa kahangturan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph