Balak: Ang akong Anghel

Balak: Ang akong Anghel

CHITO E. GERMINO
Paknaan, Mandaue City, Cebu

Ikaw akong anghel nga balaan
Mikunsad gikan sa kalangitan.
Mipahiyom kanako si Bathala
Gihatagan kog anghel sa gugma.

Ikaw ang anghel nga sagrado
Gikan gayud sa matahom Paraiso
Nasayod ko sa imong misteryo
Langit misidlak sa mga mata mo

Ang tam-is mo nga pahiyom
Nagdalag iwag sa kilum­kilom.
Luha ko mga lusok sa ulan
Mosanap sa akong kasub-anan.
Sa kainit sa imong mga gakos
Didto sa langit ako milampos
Kay ang imong gugma tim-os
Ug kini walay pagkatapos.

Ikaw ang anghel gikan sa langit
Tighupay sa tanan kong kapait
Kanako way lain kundili ikaw ra
Nagbantay nako sa tanang takna.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph