Balak: Ang dalan

Balak: Gisulirap nako ang akong mga mata sa imong yamiid
Balak: Gisulirap nako ang akong mga mata sa imong yamiidBalak

SIMEON DUMDUM, JR.
Cebu City

Anaa ang dalan: kilid gikuriskurisag hangin,

Kadahonan nagdailos sa landong, nagligid,

Nangitag sagbot o batong mosagop

O motugyan kanila sa daplin. May pagpanawng

Pagahimoon karon.

Labot pa,

Lapad ang kabuntagon, tin-aw

Ang hangin. Ang paglakaw gasa

Diin igo ang dalan: walay mapa, walay giya.

Kon may kakahoyan, karaang balayng kalik-an

Sa dalan, pangutanang duna bay kataposan,

Kay mopadayon ang dalang daw mourong,

Mahimong ingnong

ang kataposan

sa dalan

Walay kinutoban, sama sa salamin sa salamin,

Diin makita ang kaugalingon hangtod

Sa kahangtoran.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph