Balak: Ang pagbasa usa ka pagpanagat

CARL MANTUA Ormoc City, Leyte
Balak: Ang pagbasa usa ka pagpanagat
Balak: Gisulirap nako ang akong mga mata sa imong yamiidBalak

Ang mananagat uhaw sa makuha nga isda.

Doblehon niya ang iyang kahago:

mobugsay paingon sa lawod;

iyang ilagak ang dalang pasol o pukot;

ug magbudlay siya diha sa pagpaabot

nga tukbon na ang iyang mga paon

ug moapong ang duot sa iyang

mapasensiyahon nga paghulat.

Ang magbabalak gutom sa mahagdawng

kaalam. Ug doblehon sab iyang paghago:

Suoton niya ang librariya;

kaykayon ang mga maayong libro;

ug mogahi’g panahon pagpaabot diha

sa iyang gilingkoran hangtod makakubit

siyag mamsa gikan sa mga panid.

Kon dili sila pakyas, moaginod sila pauli

nga dili na mamugsay.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph