Balak: Ang Pasko atong saulugon nga sadya

Balak: Ang Pasko atong saulugon nga sadya

LAMBERTO G. CEBALLOS Ilaya, Cawayan, Dalaguete, Cebu

Ang Pasko angay gayud natong saulugon nga sadya

Kay ang Diyos Amahan migasa nato sa Iyang Anak.

Ang Manluluwas sa kalibutan dayegon ta sa Himaya!

Ang tulo ka Haring Mago nangita sa Balaang Bata

Gikan sa Silangan mipanaw ubos sa sigang Bituon.

Ang Pasko angay gayud natong saulugon nga sadya.

Ang banwag sa Bituon kanila sa mga

dalan migiya

Hangtod nahiabot sila sa dakong lungsod

sa Bethlehem.

Ang Manluluwas sa kalibutan dayegon ta sa Himaya!

Ang Bituon mitultol kanila sa pasungan sa mga baka

Diin si Jose ug si Maria

nag-apong sa Ginoong Bata.

Ang Pasko angay gayud natong saulugon nga sadya.

Si Melchor, Baltazar

ug Gaspar mihatag sa ilang gasa

Mahal nga bulawan, insenso ug mira sa Batang Mesiya.

Ang Manluluwas sa kalibutan dayegon ta sa Himaya!

Pasko karon ihatag ta

ang wagas nga

gasa sa gugma

Sa kabos natong

mga silingan taliwala sa kalisdanan.

Ang Pasko angay gayud natong saulugon nga sadya

Ang Manluluwas sa kalibutan

dayegon ta sa Himaya!

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph