MAR MAÑUS, JR.
Basak-Iba, Lapu-Lapu City
Ang makabungog
nga kahilom mopasamot
sa gibati tang kamingaw
ug mowiwi sa
samad sa atong
kasingkasing
ug unya mao na
lamay atong
mabatyagan
nga nanaglumba na diay pagpangguho
ang mga lusok sa luha sa atong mga mata ug
maghimo kining
dalan-dalan sa atong
aping ug unya mangapusgay sa atong tiilan.
Ang kahilom sa
mamingawng
kahapunon tugawon
panagsa sa kinagiki
sa mga dahon
nga gitikon sa
sungogan nga huyuhoy nga nakaipsot gikan sa
amihanan
ug unya mokundat
sab kining handurawan
ug dali rang
makapangapkap
og mga pulong
aron tagikon ang usa
ka balak!