CARL MANTUA
Ormoc City, Leyte
1. Baso-balak
tagay sa gamayng baso mipukaw
sa anino nga nahinanok
dihang laing ipis gilad-ok
mituyok ang dako nga kamingaw
2. Tuhog
kay dili na igsapayan ang
ping-it
tungod sa hilabihang kasakit
gumikan sa talinis nga kangidlis
kon naputos na sa katam-is
3. Paghandom
kon ang buwan sa iyang pagtakdol akong paghuton,
dili ko seguradong kini matagak ug maangkon,
igo na ang paghangad ko niini sa halayo, maayo
na lang iyang masud-ong kadtong among mga anino.