Balak: Diksyonaryo sa mga Anghel

(Sagabay Sa Balak Ni Charles Simic Nga Iyang Gipahinungod Kang Octavio Paz)
Balak: Diksyonaryo sa mga Anghel

LEONEL QUILLO
San Fernando, Cebu

Samtang gisuwat nako kining maong balak,
gibasahan ko sa akong igsoon og libro nga
ginganlan niyag “Diksyonaryo Sa Mga Anghel”
Karon ba nga gabhiona ko niya gibasahan,
diin gisuwat ko kining maong balak?
Dili. Gabii sab kadto, dugay nang nahitabo,
diin dungan kaming nangaligo sa sapa sa kangitngit
diin ang buwan mipahiyom kanamo ug miingon,
“Anghel baya ko!” Amo lang siyang gikataw-an.
Mibawos siyag katawa. Pagka ugma sa gabii,
wala na magpakita ang buwan. Gibasa ko kining balak.
Ang akong igsoon dugay nang namatay kay naghikog.
Ang iyang libro hain na man? Walay usa nga nasayod.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph